Teitur Björn nýr aðstoðarmaður Jóns

Jón Gunnarsson dómsmálaráðherra hefur ráðið Teit Björn Einarsson lögfræðing og varaþingmann Sjálfstæðisflokksins sem aðstoðarmann sinn. 

Þetta staðfesti Brynjar Níelsson, sem fyrir er aðstoðarmaður Jóns, í samtali við Kjarnann. 

Teitur var kjör­inn á þing fyrir Sjálf­stæð­is­flokk­inn í Norð­vest­ur­kjör­dæmi árið 2016. Hann hefur frá árinu 2017 verið vara­þing­maður flokks­ins og sat hann í þriðja sæti á lista flokksins í Alþingiskosningunum síðastliðið haust. 

Teitur hefur áður starfað sem aðstoðarmaður Bjarna Benediktssonar fjármálaráðherra auk þess sem hann hefur starfað á lögmannsstofunum Logos og Opus. 

• Blogga um frétt