Alls liggja 48 sjúklingar á Landspítala með Covid-19. Fjölgar þeim um einn á milli daga. Þrír sjúklinganna eru á gjörgæslu en enginn í öndunarvél, samkvæmt tilkynningu spítalans.

Ekki er ljóst hversu alvarleg veikindi hinna 45 eru. Landspítalinn sér sér aðeins fært að uppfæra upplýsingar um ástæðu innlagna, þ.e. hvort smitaðir sjúklingar hafi verið lagðir inn vegna Covid-19 eða af öðrum ástæðum, á fimmtudögum.

Þær upplýsingar voru ekki gefnar fyrr en fyrst í janúar síðastliðnum, í kjölfar gagnrýni fjölmiðla á dræma upplýsingagjöf.

Meðalaldur innlagðra er þó uppgefinn. Nemur hann nú 64 árum.

Innlögnum vegna Covid-19 farið fækkandi

Af þeim, sem lágu inni á Land­spít­ala með Covid-19 á fimmtu­dag fyrir viku, höfðu færri verið lagðir inn beinlínis vegna sjúk­dóms­ins held­ur en þeir sem voru lagðir inn af öðrum or­sök­um, en síðar reynst smitaðir.

Inn­lögn­um vegna Covid-19 hef­ur til þessa farið stöðugt fækk­andi, miðað við uppgefna tölfræði und­an­far­inn mánuð, þó svo að sjúk­ling­um á spít­ala með kór­ónu­veiru­smit hafi fjölgað.

Starfsmenn Landspítala í einangrun eru 363 og hafa þeir aldrei verið fleiri. Fjölgar þeim um fimmtíu á milli daga.

Frétt af mbl.is

Innlögnum vegna Covid-19 fækkar

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt