Á rétt rúmum tveimur mánuðum hafa 1.463 starfsmenn Landspítala verið skráðir í einangrun vegna Covid-19 en alls starfa 6.000 á Landspítala. Því hafa um 24% starfsmanna spítalans smitast frá 15. desember til dagsins í dag. Eru það helst hjúkrunarfræðingar sem hafa smitast eða 323, samkvæmt svari Landspítala við fyrirspurn mbl.is. 

Far­sótta­nefnd og viðbragðsstjórn Land­spít­ala segja verulegan vanda á höndum vegna veikinda og einangrunar starfsfólks spítalans. 

Þá hefur bráðamóttakan farið sérstaklega illa út úr einangrun starfsfólks en 59 starfsmenn á þeirri deild smituðust af kórónuveirunni frá 15. desember til 16. febrúar.

Þeir 10 hópar sem smituðust helst á því tímabili voru eftirfarandi:

1. 323 hjúkrunarfræðingar 
2. 146 starfsmenn sem ekki sinna klínískum störfum (forritarar, skrifstofufólk o.s.frv.)
3. 118 sjúkraliðar 
4. 83 sérhæfðir starfsmenn 
5. 77 sérfræðilæknar 
6. 71 ráðgjafi/stuðningsfulltrúi 
7. 70 hjúkrunarnemar 
8. 62 skrifstofumenn 
9. 53 sérnámslæknar 
10. 43 ljósmæður 

Mest var um smit á eftirfarandi 11 deildum á tímabilinu:

1. 59 á bráðamóttöku 
2. 43 á hjartadeild
3. 34 í rannsóknakjarna
4. 32 í framleiðslueldhúsi eða matargerð 
5. 30 á fæðingarvakt 
6. 26 á öldrunardeild H
7. 25 á kviðarhols- og þvagfæraskurðdeild 
8. 24 á blóðlækningadeild 
9. 23 á hjarta-, lungna- og augnskurðdeild 
10. 23 á móttökugeðdeild
11. 23 á smitsjúkdómadeild

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Sigrún Jóna Sigurðardóttir: Vantar í þessa upptalningu hve margir eru komin aftur til …
• Helga Dögg Sverrisdóttir: Grunnskólanemendur og kennarar smitast