Snjóflóð féll í vesturhlíð Reykjafells

Snjóflóð féll í vesturhlíðum Reykjafells í Mosfellsbæ í nótt. Frá þessu greindi Magne Kvam, íbúi í Reykjahverfi Mosfellsbæjar, í hópnum Snjóflóðatilkynningar á Facebook í dag.

Hundurinn rauk á fætur við drunurnar

Í færslunni lýsir Magne snjóflóðinu sem hinu „myndarlegasta flekaflóði“ og segir hann það að öllum líkindum hafa fallið í nótt.

Freyja Kjartansdóttir, annar íbúi í Reykjahverfinu, lýsir því svo í athugasemd við færsluna hvernig hundurinn hennar hafi rokið á fætur um eittleytið í nótt og veltir því upp hvort það gæti hafa verið vegna snjóflóðsins.

„Það komu miklar hviðudrunur rétt á undan,“ skrifar hún.

Ljósmynd/Aðsend

Frétt af mbl.is

10 ára gömlum dreng bjargað úr snjóflóði

Veðuraðstæður hafi skapað fjölda snjóhengja

10 ára gömlum dreng var bjargað úr snjóflóði sem féll úr Hamrinum við Hveragerði rétt fyrir klukkan tvö í gær. Hafði snjóhengja fallið niður hlíð Hamarsins þar sem drengurinn hafði verið að leik með öðrum börnum.

Í kjölfarið beindi lögreglan og Slysavarnafélagið Landsbjörg þeim tilmælum til fólks að vera ekki á ferðinni við Hamarinn í Hveragerði eða hlíðar hans. Veðuraðstæður hafi skapað fjölda snjóhengja sem hætta sé á að falli.

• Blogga um frétt