„Við munum taka þátt í aðgerðum“
Unnur Freyja Víðisdóttir
Setja bókamerki
Yfirlýsing og aðgerðir Rússa í kvöld eru alvarleg stigmögnun á ástandi sem var þegar mjög eldfimt.
Þetta segir Þórdís Kolbrún Reykfjörð Gylfadóttir utanríkisráðherra í samtali við mbl.is.
Herinn „haldi frið“
Vladimír Pútín forseti Rússlands skrifaði í kvöld undir viðurkenningu á sjálfstæði tveggja svæða aðskilnaðarsinna í austurhluta Úkraínu, en aðskilnaðarsinnarnir hafa verið studdir leynt og ljóst af rússneskum stjórnvöldum frá því þau réðust þangað inn árið 2014.
Í kjölfar viðurkenningarinnar skipaði Pútín her landsins að „halda frið“ á svæðunum tveimur. Þar með mun her Rússlands opinberlega fara yfir landamæri ríkjanna tveggja norður af Azov-hafi.
Brot sem kallar á viðbrögð
Þórdís Kolbrún segir bæði viðurkenninguna og skipun Pútíns vera brot á alþjóðalögum, þar sem vegið sé að landamærum sem eru alþjóðlega viðurkennd, og það gert í skugga yfirvofandi hervalds.
„Þetta er aðgerð sem er auðvitað ekki líðandi og við munum taka þátt í aðgerðum til þess að bregðast við, vegna þess að við tökum afstöðu með alþjóðalögum og virðingu fyrir landamærum og friðhelgi lögsögu landa,“ segir hún.
Spurð hvers konar refsiaðgerðir komi til greina segir Þórdís ýmsar útfærslur hafa verið ræddar og að þær sem verði fyrir valinu helgist af því hvernig málin þróast.
„En þessi aðgerð er brot sem mun örugglega kalla á viðbrögð.“
/frimg/1/52/67/1526758.jpg)
„Það er engin ákveðin hreyfing í deilunni“
Tíu börn á spítala, þar af tvö á gjörgæslu
Svona verður endaspretturinn
Ísrael rýfur öll tengsl við UNRWA
Björgunarsveitarmaður á æfingu lést við Tungufljót
Nágranninn fannst látinn við nærliggjandi skóla
Funduðu að næturlagi vegna gruns um kvikuhlaup
Boða umbreytingu í grunnskólanum