Innlent | mbl | 22.2.2022 | 18:00

Sjötíu sóttu um nýtt starf upplýsingafulltrúa

Sjötíu manns sóttu um að verða upplýsingafulltrúi í nýju ráðuneyti Áslaugar Örnu Sigurbjörnsdóttur. mbl.is/Kristinn Magnússon

Samtals 70 manns sóttu um starf upplýsingafulltrúa í nýju ráðuneyti háskóla-, iðnaðar og nýsköpunar þar sem Áslaug Arna Sigurbjörnsdóttir er ráðherra. Þetta kemur fram í svari ráðuneytisins við fyrirspurn mbl.is. Starfið var auglýst í síðustu viku og rann umsóknarfresturinn út á sunnudaginn.

Í starfsauglýsingunni var tekið fram að sá sem myndi hreppa starfið myndi fá „einstakt tækifæri til að taka þátt í mótun bæði starfsins og ráðuneytisins.“

Helstu verkefni voru meðal annars sögð vera umsjón með fjölmiðlasamskiptum ráðuneytisins, svör við fyrirspurnum innlendra og erlendra fjölmiðla, gerð fréttatilkynninga, ritstjórn og dagleg umsjón vefs ráðuneytisins og samfélagsmiðla, umsjón með ritun og útgáfu ársrits og aðstoð við framkvæmd viðburða á vegum ráðuneytisins.

Gerð var krafa um háskólapróf og var reynsla af blaða/fréttamennsku eða greinaskrifum sagður kostur. Þá var farið fram á mjög gott vald á íslensku og ensku í ræðu og riti sem og framúrskarandi samskipta- og miðlunarfærni. Einnig var færni í notkun samfélagsmiðla sögð mikilvæg sem og að geta unnið hratt og undir álagi, sýnt frumkvæði, ábyrgð, sveigjanleika, samskiptalipurð og góða framkomu.

Umsækjendur um starfið voru eftirfarandi: