29 sóttu um stöðu upplýsingafulltrúa matvælaráðuneytis

Samtals 29 sóttu um stöðu upplýsingafulltrúa í nýju matvælaráðuneyti. Staðan var auglýst fyrr í mánuðinum og rann umsóknarfrestur út 14. febrúar.

Ráðuneytið tók til starfa 1. Febrúar. Undir matvælaráðuneyti falla málefni sjávarútvegs, landbúnaðar, fiskeldis, matvælaöryggis, landgræðslu og skógræktar. Fram kom í auglýsingunni að loftslagsmál, aðgengi að hollum mat og fæðuöryggi landsmanna verða lykilbreytur í stefnumörkun framtíðarinnar.

Frétt af mbl.is

Sjötíu sóttu um nýtt starf upplýsingafulltrúa

Þá segir jafnframt að starf upplýsingafulltrúa feli í sér kynningu á starfsemi ráðuneytisins og verkefnum þess og er ráðherra, ráðuneytisstjóra og öðrum starfsfólki til ráðgjafar um samskipti við fjölmiðla. Starfið felst í að fylgjast með fréttaflutningi af starfsemi ráðuneytisins og ráðherra og veita fjölmiðlum og almenningi upplýsingar. Upplýsingafulltrúi tekur einnig þátt í upplýsingamiðlun innan ráðuneytisins, en hann heyrir undir skrifstofustjóra skrifstofu fjármála.

Farið er fram á háskólamenntun sem nýtist í starfi, mjög gott vald á íslensku og ensku, framúrskarandi færni til að tjá sig í ræðu og riti, góð færni í notkun samfélagsmiðla, að geta unnið hratt undir álagi auk þess að búa yfir frumkvæði, ábyrgð, samvinnu- og samskiptahæfni og góðri framkomu. Þá er einnig krafa um góða almenna hæfni í Office 365 og kunnátta í vefumsjónarkerfum er talinn kostur.

Umsækjendurnir eru í stafrófsröð:

• Anna Margrét Sigurðardóttir, sérfræðingur í alþjóðasamskiptum
• Auðunn Arnórsson, blaðamaður og stjórnsýslufræðingur MPA
• Árdís Rut Hlífar Einarsdóttir, lögfræðingur
• Árdís Sigurðardóttir, upplýsingarfulltrúi
• Björn Leósson, blaðamaður
• Davíð Eldur Baldursson, ritstjóri
• Dóra Magnúsdóttir, fræðslu og kynningarstjóri
• Dúi Jóhannsson Landmark, verkefnastjóri
• Eyþór Bjarki Sigurbjörnsson, verkefnastjóri
• Georg Gylfason, sagnfræðingur
• Guðmundur Friðrik Magnússon, sérfræðingur í stafrænni markaðssetningu
• Haraldur Haraldsson, rágjafi
• Heimir Björnsson, kennari
• Helga Guðrún Sigurðardóttir, upplýsingafulltrúi
• Helga Lilja Martinsdóttir, nemi
• Hrefna R Jóhannesdóttir, sérfræðingur
• Hugrún Aðalsteinsdóttir, alþjóðastjórnmálafræðingur
• Hörður Vilberg Lárusson, almannatengslaráðgjafi
• Kalina Petrova Lovcheva, móttökufulltrúi
• Kristbjörg María Jensdóttir, félags- og fjölmiðlafræðingur
• Margrét Stefánsdóttir, fjölmiðlakona
• Mohamed Mostafa E. Elmaymony, legal advisor
• Oddur Ævar Gunnarsson, blaðamaður 
• Ragnheiður K Guðmundsdóttir, deildarstjóri
• Stefanía Reynisdóttir, stjórnmálafræðingur
• Trausti Hafsteinsson, fréttastjóri
• Una Björk Kjerúlf, hópstjóri
• Unnur Stefánsdóttir, BA lögfræði
• Valdimar Már Pétursson, viðskiptafræðingur

• Blogga um frétt