Ætla sér ekki að flýta aðalfundi Eflingar
Setja bókamerki
Þau svör hafa borist lögmanni Sólveigar Önnu Jónsdóttur, nýkjörins formanns Eflingar, að ljúka þurfi reikningum félagsins fyrir aðalfund, en þeirri vinnu verði ekki lokið fyrr en í apríl.
Sitjandi stjórn virðist því ekki ætla að fara að ályktun trúnaðarráðs Eflingar um að fundinum skuli flýtt og að hann fari fram fyrir 15. mars. Stjórnarkosningum var flýtt og telur Sólveig því málefnaleg rök fyrir því að flýta einnig aðalfundinum sem í venjulegu árferði fer fram í apríl.
Hafi þegar misst umboðið
Sólveig fól Gunnari Inga Jóhannssyni hæstaréttarlögmanni að krefjast upplýsinga um það fyrir hönd B-listans hvenær boðað yrði til aðalfundar og stjórnarskipta. Kröfubréf var sent á Agnieszku Ewu Ziółkowska sem er sitjandi formaður Eflingar.
Í bréfinu segir einnig að fráfarandi formaður og stjórnarmenn hafi „þegar misst umboð félagsmanna til að fara með málefni félagsins“. Trúnaðarráð félagsins hafi ályktað um að aðalfundi félagsins skuli flýtt og hann fari fram fyrir 15. mars nk. „Stjórn félagsins ber að fara að ályktunum trúnaðarráðs,“ segir meðal annars í bréfinu.
Ekki nýtt tímann til undirbúnings
„Það virðist sem stjórn félagsins hafi ekki verið að fara að þessari ályktun trúnaðarráðsins með því að undirbúa þessa reikningavinnu, eða nýta tímann til þess,“ segir Gunnar í samtali við mbl.is.
Þrátt fyrir svör sitjandi stjórnar um að ekki standi til flýta aðalfundinum segir Gunnar ekki útséð um að fundurinn fari fram fyrir 15. mars. Það sé enn krafa Sólveigar Önnu og verið sé að skoða næstu skref.
Hvorki náðist í sitjandi formann Eflingar né varaformann við vinnslu fréttarinnar.
Ný Tesla Y kynnt
Óásættanlega langur tími
60 þúsund byggingar taldar í hættu
Bregðast við: Framtíð Grænlands „ræðst í Nuuk“
Ísland mun styðja við uppbyggingu í lok stríðs
Þyngra en tárum taki
Sjö fluttir á sjúkrahús
Áhrif örvandi fíkniefna meginorsök banaslyss