Friðarsúla Yoko Ono, Imagine Peace Tower, verður tendruð í kvöld kl. 20.00 til stuðnings Úkraínu. Um leið mun úkraínski þjóðfáninn blakta við Ráðhús Reykjavíkur og Höfða til að sýna samstöðu með úkraínsku þjóðinni á erfiðum tímum. 

Þetta kemur fram í tilkynningu frá Reykjavíkurborg.

Ráðhús Reykjavíkur verður lýst upp í fánalitum Úkraínu líkt og fjöldi annarra ráðhúsa og opinberra bygginga um heim allan.

Dagur B. Eggertsson borgarstjóri segir mikilvægt að íbúar Úkraínu finni stuðning um allan heim við þetta tilhæfulausa árásarstríð Rússlands.

„Ráðist hefur verið inn í fullvalda ríki í Evrópu. Það er klárt brot á alþjóðalögum og íbúar álfunnar ætlast til þess að Evrópa standi saman, tryggi frið og sýni úkraínsku þjóðinni stuðning. Reykjavík er friðarborg og friðarsúla Yoko Ono er sameiningartákn um frið sem mun lýsa næstu daga frá Viðey.“ segir Dagur.  

Tengdar fréttir

Úkraína

Rússar réðust á orkuinnviði á jóladag

• Segja Norður-Kóreumenn hafa haft lítil áhrif
• Norðurkóreskir hermenn drepnir í stríði Rússa
• Sammála um að koma þurfi á „varanlegum friði“
• Norðurkóreskir hermenn felldir í Evrópu

» Fleiri tengdar fréttir

• Blogga um frétt