Ráðhús Reykjavíkur, utanríkisráðuneytið og Harpan voru lýst upp í úkraínsku fánalitunum í gærkvöldi, til stuðnings Úkraínu í kjölfar innrásar Rússlands. 

Slíkt hið sama hefur verið gert víða um heim síðustu daga, á kennileitum á borð við Brandenborgarhliðið í Berlínarborg og Kólóseumið í Róm.

Þá hafa ýmsar byggingar alþjóðastofnana á borð við framkvæmdastjórn Evrópusambandsins verið lýstar upp í fánalitunum.