Köfun í Ölfusvatnsvík verður bönnuð frá og með deginum í dag. Þetta kemur fram í tilkynningu frá lögreglustjóranum á Suðurlandi.

Frétt af mbl.is

Funda á morgun um framhald aðgerða

Í gildi þar til flugvélaflaki hefur verið náð á land

Verður bannið í gildi þar til flaki flugvélarinnar TF-ABB hefur verið náð á land og þau gögn sem þar er að finna verið tryggð.

Fyrir liggur að lögreglu er skylt að rannsaka slys og í þessu tilfelli hvíla ríkar skyldur einnig á Rannsóknarnefnd samgönguslysa um rannsókn. Er bannið sett á til að tryggja að mikilvægum sönnunargögnum verði ekki raskað. Ákvörðun þessi jafngildir því að hald hafi verið lagt á flugvélarflakið á botni Þingvallavatns á grundvelli IX kafla laga um meðferð sakamálalaga nr. 88/2008.

Samkæmt tilkynningu lögreglunnar voru aðstæður við vatnið skoðaðar í dag en sú skoðun leiddi í ljós að vatnið væri ísilagt og ekki að vænta að það opnist á næstunni.

Ekki eru fyrirliggjandi upplýsingar um að óviðkomandi hafi reynt að kafa í vatninu en hins vegar er vitneskja um umræðu um slíkt meðal einhverra sem mögulega hafa hvorki þekkingu, búnað eða reynslu til að fást við köfun við jafn krefjandi aðstæður á því dýpi sem hér um ræðir, að því er lögreglan greinir frá.

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt