Guðni Th. Jóhannesson forseti Íslands tók á móti Olgu Dibrova, sendiherra Úkraínu gagnvart Íslandi, á Bessastöðum í dag þar sem hún afhenti honum trúnaðarbréf sitt.

Frétt af mbl.is

Katrín hitti sendiherra Úkraínu

Þakkaði fyrir stuðning og hlýhug Íslendinga

Ræddu þau m.a. um innrás Rússlands í Úkraínu, stöðu mála í landinu og framtíðarhorfur ásamt því að forseti lýsti afstöðu íslenskra stjórnvalda, djúpri samúð og samstöðu með Úkraínumönnum.

Tók forseti jafnframt fram að íslensk stjórnvöld fordæmdu árás Rússlands, brot landsins á alþjóðalögum og fullveldi Úkraínu.

Þá nefndi hann einnig að Íslendingar vildu koma íbúum Úkraínu til hjálpar eftir bestu getu og hefði ríkisstjórn Íslands þegar hafið aðgerðir í þá veru.

Sendiherra þakkaði fyrir stuðning og hlýhug Íslendinga.

Veita milljón evra til mannúðaraðstoðar

Katrín Jak­obs­dótt­ir for­sæt­is­ráðherra hitti Dibrova einnig á fundi í Stjórnarráðinu síðdegis í gær. 

Í tilkynningu segir að á fundinum hafi forsætisráðherra og sendiherra Úkraínu rætt hið grafalvarlega ástand sem skapast hefur í Úkraínu vegna innrásar Rússa, og að forsætisráðherra hafi sagt íslensk stjórnvöld fordæma innrásina sem sé skýrt brot á alþjóðalögum og alvarlegasta ógn við frið og öryggi í Evrópu um áratugaskeið.

Á fundinum mun forsætisráðherra svo hafa ítrekað stuðning Íslands við Úkraínu og heitið áframhaldandi stuðningi Íslands við efnahagslegar þvinganir gagnvart Rússlandi til að koma á friði.

Ísland hafi þegar ákveðið að veita eina millj­ón evra, jafnvirði rúmlega 142 milljóna íslenskra króna, til mannúðaraðstoðar í Úkraínu og sé reiðubúið að leggja meira af mörk­um, t.d. með mót­töku fólks á flótta. 

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

• Blogga um frétt