Íslendingar safnað 25 milljónum fyrir Úkraínu
Setja bókamerki
Undanfarna daga hefur almenningur á Íslandi látið um 25 milljónir króna af hendi rakna til neyðaraðstoðar Rauða krossins vegna átakanna í Úkraínu.
Þetta kemur fram í tilkynningu frá hreyfingunni.
Til viðbótar við fjárframlög einstaklinga og fyrirtækja hefur utanríkisráðuneytið lagt til 50 milljónir sem fara til stuðnings við Alþjóðaráð Rauða krossins (ICRC) á vettvangi.
Man varla eftir öðrum eins viðbrögðum
„Við munum varla eftir öðrum eins viðbrögðum og erum afskaplega þakklát fyrir hvert og eitt framlag,“ er haft eftir Kristínu S. Hjálmtýsdóttur, framkvæmdastjóra Rauða krossins á Íslandi í tilkynningu.
„Nú þegar er ljóst að neyðaraðstoð verður umfangsmikil og þörfin heldur aðeins áfram að aukast meðan á átökum stendur. Það er gott að geta lagt okkar af mörkum á erfiðum tímum sem þessum og við munum halda söfnuninni áfram næstu daga.“
Allt fjármagn sem safnast í neyðarsöfnun Rauða krossins verður nýtt til að mæta þörfum íbúa Úkraínu og veita neyðarþjónustu eins og að tryggja aðgengi að mat, vatni, heilbrigðisþjónustu, húsaskjóli og veita sálrænan stuðning.
Hægt er að veita nauðsynlega mannúðaraðstoð til íbúa í Úkraínu í gegnum Rauða krossinn með eftirtöldum leiðum:
- SMS: Senda HJALP í símanúmerið 1900 (2.900 kr.)
- Aur: @raudikrossinn eða 1235704000
- Kass: raudikrossinn eða 7783609
- Söfnunarreikningur Rauða krossins: 0342-26-12, kt. 530269-2649
Hálfgerð martröð fyrir kosningastjóra
Erfiðara fyrir flokka að segjast hlutlausir
Óvissustig á mörgum vegum
Óeðlilegt að sama gjald verði tekið óháð þyngd
„Mjög bagalegt“ að klára ekki málið
Allt frá nokkrum tímum upp í viku í nýrri miðstöð
Par flutt á bráðamóttöku eftir árás
Greiningarmiðstöð hluti af 13 landamæraaðgerðum