Vaskt sjósundfólk tók sig til og synti í Nauthólsvík með gular og bláar sundhettur í gærkvöldi, til þess að sýna samstöðu með Úkraínumönnum. Úkraínska þjóðin hefur gengið í gegnum ýmsar þrautir síðastliðna daga eftir að Rússar gerðu innrás í landið aðfaranótt fimmtudagsins 24. febrúar.

Fjölmargir Íslendingar hafa lagt sitt af mörkum til þess að sýna úkraínsku þjóðinni stuðning vegna árása Rússa sem virðist hvergi ætla að linna. Í gær efndi Blaðamannafélag Íslands til söfnunar fyrir fjölmiðla í Úkraínu, mótmæli hafa verið haldin af ungliðahreyfingum fyrir utan rússneska sendiráðið auk þess sem fjölmargar safnanir hafa verið settar á fót til styrktar Úkraínumönnum.

Þá hafa í það minnsta 30 manns frá Úkraínu sótt um alþjóðlega vernd á Íslandi en búist er við því að sú tala eigi eftir að hækka. Munu flóttamenn frá landinu fá svokallaða fjöldavernd, að sögn dómsmálaráðherra.

Tengdar fréttir

Úkraína

Skutu niður flugskeyti og dróna yfir Kænugarði

• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB
• Kona og þrjú börn létu lífið í heimabæ Selenskís

» Fleiri tengdar fréttir