Um 300 manns á flótta hafa komið til Íslands frá Úkraínu eftir að Rússar réðust inn í landið. Þetta segir Gylfi Þór Þorsteinsson, sem stýrir aðgerðahópi vegna komu flóttafólks frá landinu. Haldin var æfing í gær á vegum almannavarna.

„Sú æfing miðaðist við fyrstu viðbrögð ef hingað kæmi mjög stór hópur í einu. Hér er húsnæðisskortur og til að mynda skortur á leiguhúsnæði á almennum markaði. Þá þarf að búa til viðbragð og það viðbragð hefur verið í vinnslu,“ sagði Gylfi í samtali við Morgunblaðið í gærkvöldi og tók fram að allir sem gætu þurft að koma að slíku viðbragði hefðu tekið þátt.

„Við leggjum mikla áherslu á að útvega fólkinu húsnæði. Nú þegar eru komnir hingað hátt í 300 einstaklingar frá Úkraínu. Hluti þeirra býr hjá vinum og ættingjum en mjög stór hluti er í úrræðum Útlendingastofnunar. Vinna þarf að því hörðum höndum að útvega fólkinu húsnæði eftir að þeirri dvöl lýkur,“ sagði Gylfi.

Tengdar fréttir

Úkraína

Skutu niður flugskeyti og dróna yfir Kænugarði

• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB
• Kona og þrjú börn létu lífið í heimabæ Selenskís

» Fleiri tengdar fréttir