Hin 12 ára gamla Sólveig Birta Hannesdóttir heillaði dómara þýska sjónvarpsþáttarins The Voice Kids upp úr skónum með söng sínum á föstudag.
Tók hún hinn fræga slagara California Dreamin' eftir fólkrokk-hljómsveitina The mamas & The papas og er óhætt að segja að Sólveig hafi slegið í gegn hjá dómurunum, sem snéru sér nær allir strax við þegar hún byrjaði að syngja.
Það að dómarnir snúi sér við sætum sínum þýðir að þeir vilji fá keppandann í sitt lið og vinna með honum í þáttunum.
Þegar Sólveig lauk flutningi sínum hlaut hún standandi lófatak frá bæði dómurum og áhorfendum þáttarins.