Aðilar í ferðaþjónustu hér á landi segja innrás Rússa í Úkraínu ekki hafa haft mikil áhrif á starfsemi þeirra. Þó sé enn mikil óvissa í geiranum, sem er að vakna aftur til lífs síns eftir nánast tveggja ára dvala vegna heimsfaraldurs Covid-19.

„Ástandið í Austur-Evrópu býr auðvitað til mikla óvissu og óvissa er alltaf óheppileg fyrir ferðalög. Enn sem komið er er ekki að sjá merki þess í bókunum, en ef þetta dregst á langinn þá er ekki ólíklegt að þetta muni hafa áhrif á ferðalög,“ segir Bogi Nils Bogason, forstjóri Icelandair Group, við Morgunblaðið.

Kristófer Oliversson, framkvæmdastjóri Center-hótela og formaður FHG, Fyrirtækja í hótel- og gistiþjónustu, talar um fínan gang í bókunum fyrir sumarið.

Nánar má lesa um málið í Morgunblaðinu í dag. 

Tengdar fréttir

Úkraína

Skutu niður flugskeyti og dróna yfir Kænugarði

• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB
• Kona og þrjú börn létu lífið í heimabæ Selenskís

» Fleiri tengdar fréttir