Tveir fluttir á sjúkrahús vegna sprengingar á Grenivík

Tveir einstaklingar voru fluttir á sjúkrahús með brunaáverka eftir sprengingu á Grenivík. Slökkvistarfi er lokið en lögregla rannsakar tildrög slyssins.

Mikill viðbúnaður var á Grenivík, þar sem lögregla, sjúkralið og slökkvilið komu saman við iðnaðarhúsnæði í þorpinu.

Að sögn varðstjóra slökkviliðs varð sprenging í  iðnaðarhúsnæði og var allt tiltækt lið, bæði frá Akureyri og Grenivík, sent á staðinn.

Húsnæðið tilheyrir snyrtivörufyrirtækinu Pharmarctica.

Frá Grenivík í dag. mbl.is

• Blogga um frétt