Þingmenn minntust Guðrúnar Helgadóttur

Þing­fund­ur í dag hófst með því að Birgir Ármannsson, for­seti Alþing­is, las upp minn­ing­ar­orð um Guðrúnu Helgadóttur, rithöfund, fyrrverandi alþingismann og forseta Alþingis, sem lést á hjúkrunarheimilinu Mörk í Reykjavík aðfaranótt miðvikudagsins 23. mars 86 ára að aldri.

Þingmenn risu úr sætum til að minnast Guðrúnar að því loknu.

Frétt af mbl.is

Andlát: Guðrún Helgadóttir

Á ár­un­um 1979 til 1987 var Guðrún lands­kjör­inn alþing­ismaður og á ár­un­um 1987 til 1995 var hún alþing­ismaður Reyk­vík­inga. Þá var hún kjör­in for­seti sam­einaðs Alþing­is 1988 og var hún fyrst kvenna til að gegna því embætti.

Guðrún er þó ekki síður þekkt fyr­ir skáld­sög­ur sín­ar og leik­rit sem einkum voru ætluð börn­um og ung­ling­um. Skrifaði hún meðal ann­ars bæk­urn­ar um bræðurna Jón Odd og Jón Bjarna, sem komu út árið 1974, og einnig þríleik­inn Sitji guðs engl­ar, Sam­an í hring og Sæng­inni yfir minni.

Guðrún Helgadóttir. mbl.is/Ómar Óskarsson

For­eldr­ar Guðrún­ar voru þau Helgi Guðlaugs­son sjó­maður og Ingigerður Eyj­ólfs­dótt­ir hús­móðir. Hún gift­ist Hauki Jó­hann­es­syni verk­fræðingi árið 1957 og eignuðust þau eitt barn sam­an. Þau skildu tveim­ur árum síðar en árið 1964 gift­ist hún Sverri Hólm­ars­syni kenn­ara. Sam­an eignuðust þau þrjú börn. Þau skildu árið 1983.

„Hún var margverðlaunuð fyrir bækur sínar og ávann sér sess sem þekktasti barnabókahöfundur landsins. Bækur hennar verði lengi lesnar fyrir börn og af börnum og fullorðnir munu líka lesa þær sér til yndisauka,“ sagði meðal annars í minningarorðum Birgis Ármannssonar.

„Það gustaði um Guðrúnu Helgadóttur í þingstörfum sem og öðru sem hún fékkst við á ævi sinni. Hún var hvöss í gagnrýni á það sem henni fannst ranglátt og aðfinnsluvert í samfélaginu en var jafnan ljúf í samstarfi, rösk, ósérhlífin og vinamörg,“ sagði enn fremur í minningarorðunum.

• Blogga um frétt