30 milljónir til íbúa Úkraínu
Setja bókamerki
Fyrirtæki Haga; Bónus, Hagkaup og Olís hafa með hjálp viðskiptavina safnað 30 milljónum í neyðarsöfnun fyrir íbúa Úkraínu í samstarfi við Rauða krossinn.
Viðskiptavinum fyrirtækjanna hefur verið boðið upp á að bæta við 500 kr. styrktarupphæð við vörukaup sín undanfarnar vikur.
Fyrir hvert framlag hafa Hagar síðan bætt við mótframlagi að sömu upphæð. Þetta kemur fram í tilkynningu frá Högum.
Samhugur í landsmönnum
„Það var virkilega ánægjulegt að sjá samhug landsmanna með úkraínsku þjóðinni í verki. Þúsundir viðskiptavina okkar hafa tekið þátt í söfnuninni og aðstoðað okkur við að styrkja þetta þarfa málaefni,“ segir Finnur Oddsson forstjóri Haga í tilkynningunni.
„Rauði krossinn vill þakka Högum og þeirra viðskiptavinum fyrir stuðninginn. Fjármagnið verður nýtt til að mæta þörfum þolenda átakanna í Úkraínu og veita þeim neyðarþjónustu eins og að tryggja aðgengi að mat, vatni, heilbrigðisþjónustu, húsaskjóli og veita sálrænan stuðning“ segir Kristín S. Hjálmtýsdóttir, framkvæmdastjóri Rauða krossins, í tilkynningunni.
Dómur yfir Hrannari þyngdur í 10 ár
„Held að hann sé hættur við“
Tímasetning dóms og sölu Noona óheppileg
Einhver mikilvægasta skýrsla síðustu áratuga
„Við erum að vakta þetta mjög vel“
Öllu starfsfólki sagt upp
Spursmál: Er Bjarni Ben á pólitísku jarðsprengjusvæði?
Bjarkey: „Ég styð strandveiðikerfið“