Sala á Ivermectin margfaldaðist í Covid
Setja bókamerki
Sala á sníkjudýralyfinu Ivermectin hefur stóraukist hér á landi frá því að heimsfaraldur Covid-19 hófst. Á síðasta ári voru hátt í hundrað pakkningar af lyfinu keyptar sem jafnast á við tvöfalda sölu þess samanlagt árin 2015 til 2019.
Þetta má lesa úr svari Sjúkratrygginga Íslands við fyrirspurn mbl.is.
Á Íslandi eru tvö lyf sem innihalda Ivermectin á markaði og eru þau bæði lyfseðilsskyld. Getgátur hafa verið uppi um að Ivermectin, sem á að nota við sníkjudýrasýkingum, komi að góðum notum við meðhöndlun á Covid-19 sjúkdómnum.
Skortur er á rannsóknum sem styðja þá tilgátu og mæla Lyfjastofnun og Matvæla- og lyfjastofnun Bandaríkjanna (FDA) eindregið gegn notkun lyfsins í þeim tilgangi.
34 keyptu lyfið á síðasta ári
Á árunum 2015 til 2019 var seldur fjöldi pakkninga af Ivermectin á Íslandi á bilinu sex til þrettán stykki á hverju ári og hafa kaupendur lyfsins verið á bilinu þrír til átta talsins.
Þegar heimsfaraldur Covid-19 hófst ríflega tvöfaldaðist salan á lyfinu milli ára, fór hún úr 12 pakkningum árið 2019 yfir í 34 árið 2020.
Strax á næsta ári tók salan enn meira stökk og fór fjöldi keyptra pakkninga upp í 94 og voru kaupendurnir orðnir 35.
Það sem af er liðið ári hafa 36 pakkningar verið seldar.
Hóflega bjartsýn á að samningar náist
Áhrif örvandi fíkniefna meginorsök banaslyss
Óásættanlega langur tími
Ráðin til að rýna í rekstur skólans
Stefnt að því að auka ekki útgjöld á árinu
Þingmenn stjórnarflokkanna funda á Þingvöllum
Kvika spáir í stýrivextina
60 þúsund byggingar taldar í hættu