Páll Magnússon, fyrrverandi þingmaður Sjálfstæðisflokksins, segir vel stæðan kunningja sinn hafa grætt milljónir eftir að hafa fengið símhringingu frá starfsmanni hjá einum af söluaðilum bréfanna í Íslandsbanka, sem benti honum á að taka þátt í útboðinu sem fór fram 22. mars síðastliðinn. Starfsmaðurinn á að hafa verið vinur kunningja Páls en þeir hafa hvorugir verið nafngreindir.

„Þetta þótti kunningja mínum stórsniðugt og keypti um milljón hluti á 117 krónur - 5 króna afsláttur frá síðasta skráða markaðsgengi sem var 122. Við fyrsta hanagal morguninn eftir seldi svo kunningi minn bréfin á genginu 127.

Loforð vinar hans frá því kvöldið áður stóðst nánast upp á krónu: Kunningi minn græddi um 10 milljónir á þessum tveimur símtölum; tæplega 1,5 milljónir á klukkutíma á meðan hann svaf,“ segir í færslu sem Páll birti á Facebook.

Páll segir að um svipað leyti og tilboði kunningja hans um að kaupa hluti á 117 krónur, hafi tilboði frá stórum lífeyrissjóði verið hafnað, sem vildi kaupa fyrir meira en 10 milljarða króna á genginu 122 krónur. 

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• 1 blogg um fréttina

Bloggað um fréttina

• Grímur Kjartansson: Hann gæti alveg eins gefið upp nafnið