„Sala fjármálaráðherra á hlut ríkisins í Íslandsbanka er skólabókardæmi um spillingu, aðstöðubrask, vanhæfni og óheilbrigða menningu ábyrgðarleysis undir forystu ríkisstjórnar Katrínar Jakobsdóttur,“ segir í tilkynningu Íslandsdeildar Transparency International. 

Gagnrýnisraddir hafa verið áberandi síðustu daga vegna sölu á hlut ríkisins í Íslandsbanka, þar sem ýmist hefur verið talað um klúður, spillingu eða lögbrot um aðgerðina.

Frétt af mbl.is

Segir ábyrgð ráðherra vera skýra

„Flest bendir nú til þess að hvorki salan sem fram fór í síðasta mánuði né hið almenna útboð í maí á síðasta ári standast réttmætar kröfur um fagleg vinnubrögð, hámörkun verðs eða störf í lýðræðislegu umboði. Salan er enn síður í samræmi við yfirlýst markmið og pólitísk loforð. Enn hrannast upp vísbendingar um spillta meðferð málsins af hálfu ríkisstjórnarinnar,“ segir í tilkynningunni.

Fjármálaráðherra skorti trúverðugleika

Þau telja að Bjarni Benediktsson fjármálaráðherra hafi ekki trúverðugleika til að annast sölu banka í eigu almennings og að hann greini ekki nægilega vel á milli almannahagsmuna og sérhagsmuna.

Deildin telur óeðlilegt að fjármálaráðherra láti rannsaka bankasöluna, heldur ætti alþingi að gera rannsókn á sínum vegum.

Frétt af mbl.is

Óskadreifing á eignarhaldi bankans

Í tilkynningunni segir að þau líti á þetta sem: „prófstein á heilbrigða þrígreiningu ríkisvaldsins að „aðalleikarinn“ í söluferlinu, Bjarni Benediktsson fjármálaráðherra, komi hvergi nálægt framvindu málsins úr þessu.“

Íslandsdeild Transparency International ítrekar mikilvægi gagnsæis og segir: „Fall íslensku bankanna árið 2008 var þriðja stærsta gjaldþrot heimssögunnar. Það er ófyrirgefanlegt að ríkisstjórnin hafi hafið einkavæðingu ríkisbanka á ný og lært jafn lítið af mistökum fortíðarinnar og raun ber vitni, en kenni nú Bankasýslunni um ófarirnar.“

Tengdar fréttir

Sala á hlut ríkisins í Íslandsbanka

Fresta sölunni á Íslandsbanka

• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka
• Klára mögulega söluna á Íslandsbanka í vetur

» Fleiri tengdar fréttir

• Blogga um frétt