Flugmaðurinn Haraldur Diego hefði orðið 50 ára í dag og var hans minnst með kertafleytingu á Þingvallavatni í dag í víkinni þar sem björgunarsveitirnar voru með stjórnstöð.

Haraldur lést í flugslysi 3. febrúar sl. þegar flugvél hans fórst í Þingvallavatni. Þrír farþegar voru í vélinni sem létu allir lífið.

Haraldur var reyndur flugmaður og ljósmyndari og fyrrverandi formaður AOPA, hags­muna­fé­lags flug­manna og flug­véla­eig­enda á Íslandi auk þess að vera rit­stjóri Flugs­ins, tíma­rits um flug­mál.

Aðstandendur Haraldar söfnuðust saman við AOPA húsið við Reykjavíkurflugvöll í morgun og fóru með rútu til Þingvallavatns. 

Einnig var farið í samflug yfir Þingvallavatn frá AOPA húsinu í dag.  Aðstandendur hittust síðan í AOPA húsinu til að minnast Haraldar eftir athöfnina við Þingvallavatn.

Hér fyrir neðan eru myndir frá athöfninni.

Frétt af mbl.is

Sá yngsti var 22 ára

Frétt af mbl.is

Flugmaðurinn reyndur og formaður AOPA

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt