Samkomulag náðist síðdegis í gær við trúnaðarmenn innan Eflingar um framkvæmd á skipulagsbreytingum á vinnustaðnum og var öllu starfsfólki sent uppsagnarbréf í kjölfarið. Ætlast er til að starfsfólk vinni uppsagnarfrestinn en þeir sem óska þess verða þó leystir undan vinnuskyldu síðasta mánuðinn.

Þetta kemur fram í tilkynningu frá stjórn Eflingar.

Samkvæmt upplýsingum mbl.is fékk starfsmaður Eflingar uppsagnarbréf sitt klukkan tvö í nótt en umræddur starfsmaður var í veikindaleyfi.

Sólveig Anna Jónsdóttir Formaður Eflingar segir að staðið hafi verið rétt og faglega að ferlinu en að henni þyki leitt að minnihluti stjórnar hafi ekki virt trúnað og kosið að leka upplýsingum til fjölmiðla.

Frétt af mbl.is

Öllu starfsfólki Eflingar verður sagt upp

Jafnrétti að leiðarljósi

„Innleidd verða ný ráðningarkjör, með gagnsæi og jafnrétti að leiðarljósi, og starfað verður undir nýju skipulagi með breyttum hæfniskröfum og verkaskiptingu. Breytingarnar miða að bættri þjónustu við félagsmenn og aukinni skilvirkni í rekstri,“ segir jafnframt í tilkynningunni.

Frétt af mbl.is

Óvönduð vinnubrögð hjá Eflingu

Greint var frá því á mánudaginn að meirihluti stjórnar Eflingar hefði samþykkt tillögu Sólveigar Önnu og Baráttulista hennar, að segja upp öllu starfsfólki. Er uppgefin ástæða skipulagsbreytingar á vinnustaðnum. Þeir sem kæra sig um að halda starfi sínu eru hvattir til að sækja um aftur.

Frétt af mbl.is

Uppsagnirnar í samræmi við kosningaloforð

Þriggja mánaða uppsagnarfrestur

Öllum starfsmönnum er tryggður að lágmarki þriggja mánaða uppsagnarfrestur, einnig þeim sem ekki hafa áunnið sér hann, að því er fram kemur í tilkynningunni. Þá mun Efling falla frá réttindum og skyldum í tilvikum þar sem starfsmaður óskar að ganga í annað starf áður en uppsagnarfrestur er liðinn. Starfsfólki verður einnig veitt aukið svigrúm til að sækjast eftir öðrum störfum, til að mynda fara í atvinnuviðtöl á vinnutíma.

Frétt af mbl.is

Fordæmir ákvörðun stjórnar Eflingar

Í tilkynningunni lýsir Sólveig Anna ánægju með að samráði við trúnaðarmenn sé lokið og að staðið hafi verið rétt og faglega að ferlinu. Þá segir hún vanstillta umræðu hafa farið úr böndunum síðustu sólarhringa þar sem ýmsir hafa sett sig á háan hest „án þess að vita nokkuð um málið.“

Tengdar fréttir

Væringar innan Eflingar

„Þetta ástand er bara ekki í lagi“

• Segir enga lögvarða hagsmuni til staðar
• Léttir að þurfa ekki að sitja undir fúkyrðaflaumi
• Vísað á dyr ef hún hyggst mæta á fundina
• Framkoma í garð Ólafar innanfélagsmál Eflingar

» Fleiri tengdar fréttir

Átök innan verkalýðshreyfingarinnar

„Með fullt og óskorað umboð“

• BSRB og SNS funda hjá ríkissáttasemjara
• Stjórnvöld dýpki verðbólguna
• Verkfallsaðgerðir árið 2023 fjarstæðukenndar
• Átökin bitna einungis á hinum almenna félagsmanni

» Fleiri tengdar fréttir

• Blogga um frétt