Ragnar og Vilhjálmur láta ekki ná í sig
Setja bókamerki
Tengdar fréttir
Væringar innan Eflingar
Ragnar Þór Ingólfsson, formaður VR, og Vilhjálmur Birgisson, formaður Verkalýðsfélags Akraness og Starfsgreinasambands Íslands, hafa ekki látið ná í sig til að veita viðtal vegna uppsagna starfsmanna Eflingar.
Blaðamenn mbl.is hafa reynt ítrekað að hafa samband við verkalýðsleiðtogana, án árangurs, vegna þess sem einn starfsmaður segir fordæmalausa vanvirðingu við starfsfólk Eflingar. Hluti af starfsmönnum Eflingar sem sagt var upp eru félagar í VR og þá er Efling hluti af Starfsgreinasambandinu. Bæði Ragnar og Vilhjálmur hafa báðir talist til stuðningsmanna Sólveigar Önnu og fögnuðu þeir báðir þegar hún ákvað að gefa kost á sér á ný til formanns Eflingar. Þá hafa þau þrjú saman verið hörð í gagnrýni sinni á forseta ASÍ.
Á mánudaginn var greint frá því að meirihluti stjórnar Eflingar hefði samþykkt tillögu Sólveigar Önnu Jónsdóttur, formanns Eflingar, og Baráttulista hennar að segja upp öllu starfsfólki félagsins. Uppgefin ástæða var skipulagsbreytingar á vinnustaðnum.
Uppsagnirnar segir Sólveig Anna óhjákvæmilegar og einnig í samræmi við kosningaloforð, en starfsfólk Eflingar fékk uppsagnarbréf sent í nótt.
Friðrik og Drífa gagnrýna stjórn Eflingar
Friðrik Jónsson, formaður BHM, sagði í samtali við Morgunblaðið um uppsagnirnar að honum fyndist þetta „óhugnanleg aðferðafræði,“ og bætir við:
„Við í verkalýðshreyfingunni myndum bregðast hratt við ef einhver á vegum atvinnurekanda myndi beita svona aðferðum og í raun misnota lög um hópuppsagnir.“
Þá hefur Drífa Snædal, forseti ASÍ, fordæmt ákvörðun stjórnar Eflingar að samþykkja tillögu uppsagna innan félagsins.
/frimg/1/27/72/1277292.jpg)
Tengdar fréttir
Væringar innan Eflingar
Kerfisbilunin rakin til netöryggisfyrirtækis
Fiskifýluna lagði yfir völlinn
„Þær bara krassa og fara ekkert í gang aftur“
Trump talaði fyrir sameiningu í landinu
Lausnin er ekki að opna landamærin
Almannaöryggi ekki í hættu
Hver var hvati Crooks?