Þórdís Kolbrún R. Gylfadóttir utanríkisráðherra segir að Ísland muni styðja aðildarumsókn Finna að Atlantshafsbandalaginu (NATO), ákveði stjórnvöld þar í landi að sækja um.

Frétt af mbl.is

Refsiaðgerðir Rússa gætu beinst að Íslandi

„Ef Finnland sækir um aðild að Atlantshafsbandalaginu mun Ísland styðja þá umsókn. Af orðfæri Rússlandsforseta má ráða að honum væri það ekki að skapi ef Finnar tækju ákvörðun um að óska eftir aðild að bandalaginu. Mín skoðun er sú að það komi honum í raun ekki við hvað Finnland gerir í þessum efnum, enda stendur Rússlandi alls engin ógn af Atlantshafsbandalaginu, hvort sem Finnland er aðili eða ekki,“ segir Þórdís í samtali við Morgunblaðið.

Ráðamenn í Kreml hafa hótað hörðum viðbrögðum sækist Finnland og Svíþjóð eftir aðild að NATO. Sagði Baldur Þórhallsson, prófessor í stjórnmálafræði, í facebookfærslu um helgina að ríkisstjórnir landanna tveggja óttuðust þau svo mjög að þau gætu hætt við aðildarumsókn. 

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir