Kanna staðsetningu þjóðarhallar í Mosfellsbæ
Setja bókamerki
Bæjarráð Mosfellsbæjar samþykkti á fundi sínum í gær tillögu Sveins Óskars Sigurðssonar, bæjarfulltrúa Miðsflokksins, um að könnuð verði staðsetning fyrir þjóðarhöll - þjóðarleikvang í Mosfellsbæ fyrir handbolta og körfubolta.
Samkvæmt tillögunni yrði um að ræða þjóðarhöll sem tæki allt að 6.000 áhorfendur í sæti.
„Í ljósi umtalsverðra umferðartafa og fyrirsjáanlegra umferðartafa með tilkomu borgarlínu, er mikilvægt að koma Mosfellsbæ á kortið sem góðum stað fyrir Þjóðarleikvang-Þjóðarhöll,“ segir meðal annars í greinagerð Sveins vegna málsins.
Guðmundur Guðmundsson, landsliðsþjálfari í handbolta karla, sagði í samtali við mbl.is eftir sigur gegn Austurríki á dögunum að hann væri kjaftstopp yfir aðgerðaleysi stjórnvalda varðandi þjóðarhöll.
Ekkert íþróttahús á Íslandi uppfyllir þau skilyrði sem alþjóðasamböndin í körfuknattleik og handknattleik setja fyrir leiki í undankeppnum stórmóta.
„Ég hef upplifað ýmislegt en ég er að verða kjaftstopp yfir þessum aulagangi. Það er aulagangur að geta ekki tekið á þessu að myndarskap. Það verða menn úr öllum flokkum að sameinast um þetta ásamt borgarstjóra Reykjavíkur til að koma þessu af stað,“ sagði Guðmundur Guðmundsson landsliðsþjálfari.
„Mjög bagalegt“ að klára ekki málið
Síminn stoppar ekki hjá Árekstur.is
Allt frá nokkrum tímum upp í viku í nýrri miðstöð
Óeðlilegt að sama gjald verði tekið óháð þyngd
Unnu eftir kröfugerð sem lögð var fram í upphafi
Par flutt á bráðamóttöku eftir árás
Hálfgerð martröð fyrir kosningastjóra