„Veðrið er gott og við erum bjartsýnir að þetta eigi eftir að ganga vel,“ segir Rúnar Steingrímsson, lög­reglu­full­trúi af Suður­landi, í samtali við mbl.is. Aðgerðir við að hífa vélina sem fórst í Þingvallavatni í febrúar hefjast um hádegið.

Frá undirbúningi aðgerða í morgun. mbl.is/Eggert Jóhannesson

Rúnar segir þrátt fyrir bjartsýni og gott veður geti alltaf eitthvað komið upp á.

Alls munu 55 manns taka þátt í aðgerðunum í dag en flugvélin, sem fórst í byrj­un fe­brú­ar með fjóra karl­menn um borð, ligg­ur á 48 metra dýpi í Ölfu­s­vatns­vík.

mbl.is/Eggert Jóhannesson

Lögreglan á Suðurlandi, starfsfólk ríkislögreglustjóra, tæknideild lögreglunnar á höfuðborgarsvæðinu og tölvudeild, Brunavarnir Árnessýslu, Landsbjörg, Landhelgisgæslan, og fimm björgunarsveitir hafa komið að undirbúningi þessa flóknu aðgerða.

mbl.is/Eggert Jóhannesson

Rúnar útskýrir að um hádegi verði tveir kafarar sendir að vélinni sem liggur á 48 metrum og þeir festa stroffur í hana. Þaðan verði hún hífð á minna dýpi og tryggð fyrir flutning og allur rafeindabúnaður tekinn úr henni.

Að því loknu verður vélin síðan hífð alla leið upp.

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt