„Það truflar mig ekki neitt“
Setja bókamerki
Bjarni Benediktsson fjármálaráðherra segir það ekki trufla sig að mótmælendur krefjist þess að hann segi af sér. Það sé málfrelsi í landinu. Hann hefur hins vegar sagt að hann telji ekki ástæðu til þess að hann íhugi stöðu sína eða segi af sér vegna þeirrar gagnrýni sem fram hefur komið á sölu 22,5 prósenta hlut ríkisins í Íslandsbanka.
Hópur mótmælenda safnaðist saman fyrir utan Ráðherrabústaðinn í morgun þar sem fram fór rikisstjórnarfundur. Fólkaði hrópaði meðal annars „Bjarni burt“ og „Bjarna á Hraunið“. Mótmælendur hækkuðu svo róminn þegar bæði Bjarni og Katrín Jakobsdóttir forsætisráðherra komu út úr ráðherrabústaðnum.
Bjarni lætur það hins vegar ekki trufla sig. „Það truflar mig ekki neitt, það er málfrelsi í þessu landi. Það er allt gott um það að segja. Ég læt það ekki trufla mig. Þau atriði sem við höfum viljað að færu í skoðun, þau eru í athugun. Það er ágætt að gefa því þann tíma sem það þarf,“ segir Bjarni.
Vísar hann þar til þess að Ríkisendurskoðun er með söluna til skoðunar, að beiðni fjármálaráðherra, og fjármálaeftirlit Seðlabankans hefur einnig hafið rannsókn á tilteknum þáttum tengdum sölunni.
Mótmælt var á Austurvelli um síðustu helgi og fleiri mótmæli hafa verið skipulögð. Bjarni telur að fólk vilji leita skýringa en bendir á að í tveimur aðgerðum hafi verið framkvæmd sala á ríkiseign sem hafi skapað gríðarleg verðmæti fyrir ríkissjóð.
Íshellaskoðanir á sumartíma ekki skynsamlegar
Konan sem missti meðvitund var í köfunarferð
Ekki vitað um alvarleg veikindi
Blár og marinn eftir slagsmál á bar
„Gefið í skyn að þetta sé öruggt“
Meðvitundarlaus kona dregin upp úr Silfru
Höfum nægan tíma til að bregðast við
Rannsókn enn í gangi og beðið niðurstöðu krufningar