Rafbúnaður fannst um borð í flugvélinni, sem brotlenti í Þingvallavatni 3. febrúar, og var hífð upp úr vatninu á föstudagskvöld. Hún var svo flutt í heilu lagi skömmu fyrir miðnætti á föstudagskvöld inn í skýli rannsóknarnefndar samgönguslysa.

Vélin hélst í heilu lagi á meðan aðgerðunum stóð. Þetta segir Ragnar Guðmundsson hjá rannsóknarnefnd samgönguslysa í samtali við mbl.is. 

Hann segir að sjáanlegt ástand vélarinnar hafi verið mjög gott en neðri vélarhlífin hafi þó verið illa skemmd.

„Við færðum hana í heilu lagi inn í skýlið okkar laust fyrir miðnætti á föstudagskvöld. Svo fórum við að vinna í henni á laugardag þar sem það er hætta á því að ákveðnir hlutir fari að tærast. Það var mikið set í vélinni, sem er sandur og leirburður úr vatninu, svo við þurftum að byrja á því að þrífa vélina,“ segir Ragnar.

Búnaðinum komið fyrir í sérútbúnum körfum

Hann segir að rafbúnaður hafi fundist í vélinni en tekur fram að hann geti ekki gefið upp hvernig búnaður þetta er; t.d. hvort um snjallsíma, tölvubúnað eða myndavélar sé að ræða. Rafbúnaðurinn sem fannst var komið fyrir í sérútbúnum körfum og haldið í vatni þar sem hann var fluttur til rannsóknanefndarinnar sem fer yfir búnaðinn og athugar hvort hægt sé að nálgast gögn.

Fjölmargir komu að verkefninu á föstudag en um er að ræða samvinnuverkefni lög­regl­unnar á Suður­landi, starfs­fólks rík­is­lög­reglu­stjóra, tækni­deildar lög­regl­unn­ar á höfuðborg­ar­svæðinu og tölvu­deildar, slökkviliðsins á höfuðborgarsvæðinu, bruna­varn­a Árnes­sýslu, Lands­bjargar og Land­helg­is­gæsl­unar. 

Flugvélin var hífð upp úr vatninu á föstudagskvöld og rannsókn hófst stuttu seinna. mbl.is/Kristinn Magnússon

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt