„Þetta er töluvert meiri hækkun en við bjuggumst við,“ segir Drífa Snædal, forseti ASÍ, en pen­inga­stefnu­nefnd Seðlabanka Íslands hef­ur ákveðið að hækka vexti bank­ans um eina pró­sentu.

„Við bjuggumst við einhverri hækkun en heilt prósentustig, það er mjög vel í lagt,“ segir Drífa. Meg­in­vext­ir bank­ans, vext­ir á sjö daga bundn­um inn­lán­um, verða því 3,75%.

Frétt af mbl.is

Hækkar stýrivexti um eina prósentu

Hún segir þetta koma beint við pyngjuna á heimilum landsins í formi hækkunar á húsnæðislánum sérstaklega.

„Að auki er dýrtíð í landinu, með hækkun á vöruverði, bensíni og mat,“ segir Drífa og bætir við að stjórnvöld hér á landi skili auðu á meðan stjórnvöld um heim allan séu að reyna að bregðast við þeim aðstæðum sem uppi eru.

„Það bólar ekkert á því hér á landi og við höfum kallað eftir því í marga mánuði að stjórnvöld bregðist við með lækkun vörugjalda eða einhvers slíks,“ segir Drífa.

Að sögn Drífu muni þessar hækkanir hafa áhrif á kjarasamninga, sem eru lausir í haust. „Öll spjót standa á stjórnvöldum að bregðast við þessu.“

Tengdar fréttir

Vextir á Íslandi

Indó lækkar vexti

• „Ekki svigrúm til frekari launahækkana“
• Óttast að fólk fari aftur að eyða peningum
• Skiptir mestu máli að fjárlögin voru samþykkt
• Gera ekki ráð fyrir að samhljómurinn verði rofinn

» Fleiri tengdar fréttir

• Blogga um frétt