Skjálftahrina undir Kleifarvatni

Skjálftahrina virðist hafa hafist undir eða við Kleifarvatn síðdegis í dag. Virðast skjálftarnir eiga upptök sín á töluverðu dýpi, undir norðurhluta vatnsins.

Tveir stærstu skjálftarnir riðu yfir um miðnætti og mældust þeir 2,9 og 3,4 að stærð, samkvæmt upplýsingum frá Veðurstofunni, og varð þeirra meðal annars vart á höfuðborgarsvæðinu.

Bryndís Ýr Gísladóttir, náttúruvársérfræðingur hjá Veðurstofu Íslands, segir um 400 skjálfta hafa mælst síðasta sólarhring.

Hún segir þó engin merki vera um að kvika sé að færast nær yfirborði en að áfram verði fylgst með gangi mála.

Kvikusöfnun á 16 kílómetra dýpi

Álíka magn af kviku og kom upp í eld­gos­inu í Geld­inga­döl­um hef­ur nú safn­ast fyr­ir í jarðskorp­unni á nýj­an leik und­ir Reykja­nesskaga við Fagra­dals­fjall, eins og fjallað var um í Morgunblaðinu í gær.

Er því staðan nokkuð ná­lægt þeirri sem var uppi rétt fyr­ir eld­gosið sem hófst á síðasta ári, að því er Hall­dór Geirs­son jarðeðlis­fræðing­ur sagði í samtali við blaðið.

Mæl­ing­ar á Reykja­nesskaga gefa til kynna að kviku­söfn­un sé á 16 kíló­metra dýpi á víðfeðmu svæði aust­an við Fagra­dals­fjall. Að sögn Hall­dórs gæti ótrú­legt magn af kviku safn­ast fyr­ir á þess­um stað, sem er við mót möttuls og jarðskorpu, án þess að hún komi þó upp á yf­ir­borðið.

Frétt af mbl.is

Staðan svipuð og fyrir síðasta gos

• Blogga um frétt