Mark Zuckerberg á Akureyrarflugvelli

Mikill viðbúnaður er á Akureyrarflugvelli vegna komu einkaflugvélar sem lendir þar nú hvað úr hverju. Heimildir mbl.is herma að um sé að ræða einkavél Marks Zuckerbergs, forstjóra Meta, móðurfyrirtækis Facebook og Instagram. 

Sjónarvottar hafa greint frá viðveru vígalegra jeppabifreiða og þyrla á svæðinu og sjá má á flugsjám að þyrla fór frá Deplum á Tröllaskaga til Akureyrarflugvallar fyrr í dag. 

Einkavélin og bílarnir sem á móti farþegunum taka. mbl.is/Sigurður Bogi

Frétt af mbl.is

Zuckerberg hæstánægður með auglýsingu Íslandsstofu

Frétt af mbl.is

Zuckerberg sagður á Íslandi

Guðjón Helgason, upplýsingafulltrúi Isavia, staðfestir í samtali við mbl.is að einkaflugvél sé að lenda á Akureyrarflugvelli. Þá hefur fengist staðfest frá þjónustufyrirtæki að um þekktan, erlendan einstakling sé að ræða. 

Þyrlan sem sögð er til þess að flytja farþegana á Depla. mbl.is/Sigurður Bogi

Uppfært: Í upphaflegri frétt kom fram að sjónarvottar hefðu séð brynvarða bíla á flugvellinum. Rétt er að bifreiðarnar eru að öllum líkindum ekki brynvarðar og hefur fréttin verið uppfærð samkvæmt því.

• 1 blogg um fréttina

Bloggað um fréttina

• Hallmundur Kristinsson: Heimsókn