Aðeins hefur dregið úr skjálftahrinunni við Svartsengi og Þorbjörn á Reykjanesskaga síðastliðna daga ef borið er saman við virkni vikunnar á undan en nokkuð hefur dregið úr tíðni stærri skjálfta, að sögn Einars Hjörleifssonar, náttúruvársérfræðings hjá Veðurstofu Íslands.

Síðasta sólarhring mældist einn skjálfti yfir þremur að stærð. Smáskjálftavirkni er samt enn talsverð við Svartsengi og Þorbjörn, og víðar á Reykjanesskaganum, en 310 skjálftar mældust þar í gær og um 400 á sunnudaginn. Þá mældust 164 skjálftar á svæðinu á laugardaginn og 522 á föstudag. 

Frétt af mbl.is

Ný gögn sýna glöggt það ris sem á sér stað

Ólíklegt er þó að skjálftahrinan sé að verða búin í bili þar sem þenslan á svæðinu er áfram yfirstandandi, að sögn Einars. Það koma þó dagar inn á milli þar sem skjálftavirkni er talsvert minni, sbr. laugardag, en sömuleiðis dagar þar sem virknin er talsvert meiri. Veðurstofan mun áfram fylgjast með gangi mála.

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt