Fékk formlegt tiltal biskups fyrir „harkaleg“ skrif

Biskup Íslands hefur veitt séra Davíð Þór Jónssyni formlegt tiltal vegna „harkalegra“ og „ósmekklegra“ skrifa sem hann viðhafði á Facebook-síðu sinni í gær. Er þá vísað til ummæla hans um ríkisstjórnarflokkinn Vinstri græn og áforma stjórnvalda um að vísa 300 flóttamönnum úr landi. Sagði hann sérstakan stað í helvíti fyrir fólk sem selur sál sína fyrir völd og vegtyllur.

Frétt af mbl.is

Orð Davíðs stangist á við siðareglur

Hörð viðbrögð prestsins vöktu ekki mikla lukku meðal embættismanna þjóðkirkjunnar en í yfirlýsingu frá biskupi Íslands kemur fram að prestum beri að haga málflutningi sínum málefnalega og meiða ekki með orðum. Í ljósi þess var séra Davíð veitt formlegt tiltal. Telst málinu nú lokið af hálfu biskups.

Frétt af mbl.is

Segir sérstakan stað í helvíti fyrir VG

Tekið er fram að biskup hefur gagnrýnt áform íslenskra yfirvalda um fyrirhugaðar fjöldabrottvísanir hælisleitenda sem fest hafa rætur hér á landi. Kallar biskup eftir mannúð og mildi þegar kemur að málefnum hælisleitenda.

• 1 blogg um fréttina

Bloggað um fréttina

• Jóhannes Ragnarsson: Morgunafrek bysskubbs fór, þegar til kom, illilega út um þúfur