Verulega hefur dregið úr landrisi á svæðinu vestur af Þorbirni frá 26. maí. Þetta kemur fram í tilkynningu frá Veðurstofu Íslands. 

Ekkert landris hefur mælst á GPS-mælum síðustu þrjá til fjóra daga. Eins hefur verulega dregið úr skjálftavirkni á svæðinu.

Óvissustig enn í gildi

Í ljósi þessa hefur fluglitakóða fyrir svæðið færður niður á grænan af gulum. Óvissustig almannavarna er þó ennþá í gildi.

Í tengslum við eldsumbrotin og virknina á Reykjanesskaga hafa vísindamenn unnið líkön út frá skjálftagögnum, GPS gögnum og gervihnattamyndum til að áætla staðsetningu og magn þeirrar kviku sem er á hreyfingu undir jarðskorpunni.

Með þessum líkönum er hægt að áætla hvort kvikan sé að hreyfast lárrétt eða lóðrétt og afmarka möguleg umbrotasvæði, að vissu leyti, ef til eldgoss kæmi.

Tengdar fréttir

Eldvirkni á Reykjanesskaga

Vinna að því að verja rafmagnsmöstur við Svartsengi

• Hættumat lækkað í Grindavík
• Rockville borholan tekin í notkun á nýju ári
• „Höfum sloppið bærilega með skaða af þessu gosi“
• Líklegt að farið verði af neyðarstigi í dag

» Fleiri tengdar fréttir

• Blogga um frétt