Bárurnar leggja af stað aðfaranótt þriðjudags

Sjósundhópurinn Bárurnar, hyggst leggja af stað í boðsundferð sína yfir Ermasundið klukkan fjögur aðfaranótt þriðjudags.

Ætlunin var að leggja af stað í nótt en veðrið snerist bárunum í óhag og því þurfti að fresta sundinu um sólarhring. 

Það kemur þó ekki að sök, enda voru Bárurnar undir það búnar að veður og vindar kæmu til með að stjórna ferðatímanum og þær gáfu sér því sjö daga. Þær hafa nýtt tímann vel í að kynnast bænum, æfa sundtökin og njóta dvalarinnar. 

Frétt af mbl.is

Bárurnar synda yfir Ermarsund

Bárurnar hafa nýtt tímann vel og skoðað sig um í bænum. Ljósmynd/ Elsa Valsdóttir

Vilja leggja af stað í háflóði

„Við viljum leggja af stað í háflóðinu, en straumurinn er þá með okkur til að byrja með, þess vegna leggjum við af stað um hánótt,“ segir Elsa Björk Valsdóttir, ein Báran. 

Bárurnar nýta daginn til þess að ná góðri lokaæfingu í sjónum fyrir komandi átök. Á morgun ætla þær sér að sofa og nærast vel og fara í göngutúr. Elsa segir hópinn þó ekki vera að vinna sérstaklega að því að snúa sólarhringnum við. 

Stefna á átján klukkustundir

„Við erum að stefna að því að synda þetta á átján klukkustundum þar sem hver fer þrjár umferðir. Við vonum að það gangi upp.“

Bár­urn­ar hafa ákveðið munu styðja við Stóm­a­sam­tök Íslands með þrekraun sinni.

Ásamt Elsu Vals­dótt­ir sam­an­stend­ur sjó­sund­hóp­ur­inn Bár­urn­ar af eft­ir­far­andi: Sig­ríði Lár­us­dótt­ur, Hörpu Leifs­dótt­ur, Jór­unni Atla­dótt­ur, Guðmundu Elías­dótt­ur og Bjarnþóru Eg­ils­dótt­ur.

• Blogga um frétt