Sex skip, sem eru hluti af fastaflota Atlantshafsbandalagsins (NATO), hafa verið hér við land og í Eyjafirði á æfingu í dag.
Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við mbl.is. en þyrlusveit Landhelgisgæslunnar tók einnig þátt í æfingunni með skipunum.
„Skipin eru núna að kynna sér aðstæður inni í Eyjafirði og halda svo siglingu sinni áfram. Þau eru væntanleg til Reykjavíkur síðar í vikunni,“ segir Ásgeir.
Skipin sex munu síðan taka þátt í eftirlitsæfingunni Dynamic Mongoose sem fer að þessu sinni að mestu leyti fram við strendur Noregs.