Vilja stöðva fjárveitingar til Íslensku óperunnar
Setja bókamerki
Fagfélag klassískra söngvara á Íslandi (Klassís) vill að menningar- og viðskiptaráðherra stöðvi fjárveitingar til Íslensku óperunnar, vegna kjarasamningsbrots óperunnar sem Landsréttur staðfesti gegn Þóru Einarsdóttur nýverið.
„Félagsmenn telja frekari fjárveitingar til sjálfseignarstofnunarinnar ekki réttlætanlegar nema sitjandi stjórn og óperustjóri víki nú þegar. Klassís kallar eftir heilbrigðu og ásættanlegu starfsumhverfi til óperuflutnings á meðan undirbúningur stofnunar Þjóðaróperu stendur yfir,“ segir í ályktun sem fjölmennur félagsfundur samþykkti þann 6. júní.
Ítreka vantraustsyfirlýsingu á óperustjóra
Félagið fagnar dómi Landsréttar en þar var viðurkennt að Íslenska óperan hafi brotið gegn kjarasamningi sem hún gerði við stéttarfélög FÍH (Félag íslenskra hljómlistarmanna) og FÍL (Félag íslenskra leikara) árið 2000.
Klassís ítrekar þá vantraustsyfirlýsingu sína frá 10. janúar 2021 á stjórn og óperustjóra Íslensku óperunnar Steinunni Birnu Ragnarsdóttur, vegna stjórnunarhátta á undanförnum árum. Jafnframt ítrekar Klassís stuðningsyfirlýsingu sína um stofnun Þjóðaróperu.
/frimg/7/28/728166.jpg)
Stormur á Þorláksmessu en víðast hvar stefnir í hvít jól
Þetta eru ráðherrar ríkisstjórnarinnar
„Tímabil aukinnar eldvirkni“
Kristrún Frostadóttir verður forsætisráðherra
Stóðu skógarþjófa að verki
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana