Staðfesta öryggisvistun í Bræðraborgarstígsmáli
Setja bókamerki
Landsréttur hefur staðfest niðurstöðu héraðsdóms um að Marek Moszcynski skuli sæta öryggisgæslu á viðeigandi stofnun. Marek var ákærður fyrir brennu, manndráp og tilraun til manndráps með því að hafa kveikt eld á gólfi í herbergi sínu á annarri hæð að Bræðraborgarstíg 1 með þeim afleiðingum að þrír létust.
Marek var jafnframt ákærður fyrir brot gegn valdstjórninni með því að hafa skömmu eftir íkveikjuna slegið tvo lögreglumenn með gúmmímottu fyrir utan rússneska sendiráðið.
Ófær um að stjórna gjörðum sínum
Í héraðsdómi var hann sýknaður af refsikröfu ákæruvaldsins fyrir að hafa kveikt í húsinu. Hann var dæmdur ósakhæfur í héraði, en var þó sakfelldur fyrir allar ákærur nema fyrir manndrápstilraun gegn þeim einstaklingum sem voru staddir í viðbyggingu hússins.
Landsréttur staðfesti niðurstöðu héraðsdóms um að sannað væri að Marek hefði framið þau brot sem ákært var fyrir. Í dóminum kom einnig fram að vegna geðræns ástands síns hefði ákærði verið alls ófær um að stjórna gjörðum sínum þegar hann kveikti í húsinu þann 25. júní 2020.
Marek var einnig dæmdur í Landsrétti til að greiða miskabætur til brotaþola.
Hér má lesa dóm Landsréttar í heild sinni.
Runólfur í veikindaleyfi
Fundurinn hófst með söng: „Við stöndum þétt saman“
Fundar með Þorgerði og Ingu eftir hádegi
/frimg/1/53/38/1533889.jpg)
Framlegð gæti aukist um 3,3 milljarða á ári
Halla og Kristrún funda á Bessastöðum í dag
„Við bara reynum að þrýsta þessu fram“
Kristrún komin með umboð
