Samráðshópur um bætt öryggi í Reynisfjöru var stofnaður í kvöld og á hann að gera tímasetta aðgerðaáætlun og skila tillögum til ráðherra ferðamála í síðasta lagi 30. september á þessu ári. 

Í samráðshópnum verða fulltrúar landeigenda, Veðurstofu Íslands, Vegagerðarinnar, almannavarnardeildar lögreglunnar á Suðurlandi, Landsbjargar, Mýrdalshrepps og Ferðamálastofu.

Þetta var ákveðið á samráðsfundi stjórnvalda með landeigendum í Reynisfjöru sem lauk fyrir skömmu í Leikskálum í Vík í Mýrdal. 

Þar kynntu fulltrúar Veðurstofu Íslands, Vegagerðarinnar og almannavarnadeildar lögreglunnar á Suðurlandi vinnu við gerð áhættumats fyrir Reynisfjöru og hugmyndir um uppsetningu viðvörunarkerfis í fjörunni, að því er fram kemur í tilkynningu Ferðamálastofu.

Þar segir einnig að fundarmenn hafi verið sammála um mikilvægi þess að tryggja sem best öryggi ferðamanna sem heimsækja fjöruna. Þá hafi þeir einnig verið sammála um að ljúka uppsetningu viðvörunarkerfis í fjörunni en bæði þurfi að taka skref til að bæta öryggi á svæðinu til skemmri og lengri tíma.

Lilja Dögg Alfreðsdóttir ferðamálaráðherra var ein þeirra sem ávarpaði fundinn en Skarphéðinn Berg Steinarsson ferðamálastjóri stýrði honum.

Tengdar fréttir

Ferðamenn á Íslandi

Farþegum fjölgaði um 12%

• Eyfellingar mótmæla áformum um hótel
• Stórfelld uppbygging áformuð við Holtsós
• Ferðamaður sem slasaðist þakkaði fyrir sig
• Stórkostlegt bónorð í Mýrdalsjökli

» Fleiri tengdar fréttir

Banaslys í Reynisfjöru 10. júní

Vill „IKEA-leiðina“ í Reynisfjöru

• Bið á uppsetningu viðvörunarkerfis
• Koma upp viðvörunarkerfi í Reynisfjöru
• Litlu mátti muna í öldugangi í Reynisfjöru
• Góð mæting á fund landeigenda við Reynisfjöru

» Fleiri tengdar fréttir

• Blogga um frétt