„Erum búin að bíða lengi eftir þessum degi“

„Við erum búin að bíða eftir þessum degi lengi, alveg síðan Ölverk var stofnað fyrir fimm árum, og fögnum auðvitað frumvarpinu.“ segir Elvar Þrastarsson, bruggmeistari og einn eigandi brugghússins Ölverks í Hveragerði, í samtali við Morgunblaðið, en hinn 1. júlí næstkomandi verður brugghúsum landsins heimilað að selja vörur sínar á framleiðslustað, frumvarp dómsmálaráðherra þess efnis var samþykkt 15. júní síðastliðinn.

Frétt af mbl.is

Fá nú að selja bjór, gin og landa

„Þetta er það sem ferðamenn innanlands jafnt sem erlendis hafa viljað; þeir koma á staðinn, fá ákveðna upplifun og vilja oft fá að taka okkar sérvöru heim til að njóta síðar,“ segir Elvar og bætir við að þetta sé mikilvægt skref fyrir bjórmenningu Íslands, en það er nóg að gera hjá brugghúsum landsins.

Frétt af mbl.is

Ný áfengislög styðja við íslenska framleiðslu og atvinnu

Þessa stundina er Ölverk með tanka fulla af alls kyns bjór sem bíður þess að fara í sölu hinn 1. júlí. „Þetta er þá þriðji sölustaðurinn sem bætist við hérna hjá Ölverki, það er spurning hvort við munum hafa undan en við þurfum greinilega að vinna vel til að halda í eftirspurn fyrir sumarið,“ segir Elvar að lokum.

Frétt af mbl.is

Brugghúsfrumvarpið samþykkt

Lengri umfjöllun um málið má finna í Morgunblaðinu í dag.