Tuttugu farþegar færðir í aðra flugvél

Tutt­ugu farþegar Icelanda­ir, sem áttu bókað til Zürich í Sviss í morg­un, voru færðir yfir í aðra flug­vél sem flaug þess í stað fyrst til Amster­dam og svo þaðan til Zürich.

Guðni Sig­urðsson, sér­fræðing­ur á upp­lýs­inga­sviði Icelanda­ir, staðfest­ir þetta í sam­tali við mbl.is. Hann seg­ir ástæðuna mega rekja til mann­eklu og álags á flug­völl­um er­lend­is. Það hafi valdið því að flug­vél­inni, sem átti að fljúga með farþeg­ana til Zürich, seinkaði. 

Ekki pláss fyr­ir alla

Minni flug­vél var til taks á Kefla­vík­ur­flug­velli og því ákveðið að láta hana fylla í skarðið. Það var þó ekki pláss fyr­ir alla farþeg­ana og því varð að flytja tutt­ugu farþega í annað flug. 

„Við leggj­um áherslu á að valda sem minnst­um óþæg­ind­um.“

Guðni seg­ir að þeir farþegar sem hafa bókað flug með Icelanda­ir til áfangastaðar með milli­lend­ingu í Zürich, séu í for­gangi þegar kem­ur að því að koma þeim á loka­áfangastað, enda liggja þá fyr­ir gögn í kerfi Icelanda­ir um tengiflugið. 

• Blogga um frétt