Fyrsti opni fundur ungliðanefndar Varðbergs hefst klukkan 17 í dag og ber hann yfirskriftina Staða varn­ar- og ör­ygg­is­mála á Íslandi. Fundurinn verður sýndur í beinu streymi hér að neðan.

Á fund­in­um mun Geir Ove Øby, fasta­full­trúi Íslands í Atlats­hafs­banda­lag­inu, halda fram­sögu­er­indi um viðbrögð banda­lags­ins við inn­rás Rússa í Úkraínu og setja í sam­hengi við varn­ar­mál á Íslandi.

Í pall­borði verða, auk Geirs, Bald­ur Þór­halls­son, Björn Bjarna­son og Þor­gerður Katrín Gunn­ars­dótt­ir. Diljá Mist Ein­ars­dótt­ir verður fund­ar­stjóri.

Ungliðanefnd Varðbergs, samtaka um vestræna samvinnu og alþjóðamál, er nýstofnuð. Ekki hefur verið starfandi ungliðahreyfing innan félagsins frá því að Varðberg og Sam­tök um vest­ræna sam­vinnu sam­einuðust árið 2010 en áður var starf­andi ungliðahreyf­ing inn­an Varðbergs.

Tengdar fréttir

Varnarmál Íslands

„Við erum stödd á víðsjárverðum tímum“

• „Ógnir í norðanverðri Evrópu hafa stigmagnast“
• Ísland taki virkan þátt í öryggis- og varnarmálum
• Tékkneski flugherinn gætir Íslands á næsta ári
• Ísland yrði ekki undanskilið í stríði

» Fleiri tengdar fréttir

• Blogga um frétt