Gránað í fjöll á Vaðlaheiði

Gránað hef­ur í fjöll á Vaðlaheiði fyr­ir norðan þar sem kalt loft er yfir land­inu.

„Það er mjög kalt loft yfir land­inu og verður svo­leiðis núna en tek­ur upp að mestu leyti yfir dag­inn á morg­un. Verður jafn­vel kalt aðfaranótt laug­ar­dags líka en síðan er þetta lík­lega búið,“ seg­ir vakt­haf­andi veður­fræðing­ur hjá Veður­stofu Íslands.

„Þetta ger­ist alltaf annað slagið þegar nær í kalda norðanátt eins og núna. Hún er nokkuð hvöss og við búum bara svo norðarlega á kúl­unni að þetta get­ur gerst annað slagið.“

Frétt af mbl.is

Hit­an­um frem­ur mis­skipt í dag

Ekki sniðugt að ferðast seint í kvöld

Greint var frá því í gær að hætt væri við hálku á hæstu fjall­veg­um norðan- og vest­an­lands. Er þó eng­in hálka á land­inu eins og er.

„Það er hins veg­ar svo­lít­il úr­koma sem kem­ur inn á norðan­vert landið í kvöld og mun kólna um eina til tvær gráður yfir nótt­ina. Þar sem það eru bara ein til fjór­ar gráður þarna núna er  frek­ar í nótt sem það gæti komið smá snjór á veg­inn, sem veld­ur þá hálku," seg­ir veður­fræðing­ur..

„Menn þurfa kannski að hafa það í huga ef þeir ætla að ferðast seint í kvöld og í nótt, að það gæti verið ákveðinn snún­ing­ur, ég myndi sleppa því ef það er ekki nauðsyn­legt.“

• Blogga um frétt