Oecd hefur bent á að Ísland eigi heimsmet í fjölda iðngreina sem krefjast löggildingar. Stofnunin gerði tillögur til úrbóta, að því er fram kemur í Morgunblaðinu í dag.
„Þetta er heimsmet sem við eigum ekki að sækjast eftir að eiga. Það býr til óþarfa takmarkanir í atvinnulífinu og dregur úr samkeppnishæfni okkar,“ segir Áslaug Arna Sigurbjörnsdóttir, háskóla-, iðnaðar- og nýsköpunarráðherra.
Í dag er birt í Samráðsgátt stjórnvalda tillaga Áslaugar Örnu að breytingu á reglugerð um löggiltar iðngreinar. Tillagan felur í sér að sautján iðngreinar verði felldar af lista yfir löggiltar iðngreinar. Af þeim verði átta felldar undir eða sameinaðar skyldum iðngreinum.
Nánar er fjallað um málið í Morgunblaðinu í dag, þriðjudag.