Miklar mælingar standa nú yfir í Kröflu í tengslum við Evrópuverkefnið IMPROVE. Í því eru tvær lykileldstöðvar í Evrópu rannsakaðar, Krafla og Etna á Sikiley. Eitt helsta markmið verkefnisins er að varpa nýju ljósi á samband jarðhitasvæðisins í Kröflu við kviku þar undir. Krafla er ein mest rannsakaða eldstöð í heiminum.
Umfangsmestu þættir rannsóknarinnar felast í að mæla rafleiðnina nákvæmlega og setja upp þétt net af jarðskjálftamælum. Ætlunin er að fá mynd af því hvernig kvika dreifist undir Kröflu.
Nánar er fjallað um málið í Morgunblaðinu í dag, þriðjudag.