Unnið er nú að því að koma upp viðvörunarkerfi með blikkljósum í Reynisfjöru. Verkefnið er að fullu fjármagnað og byggist á tillögum Vegagerðarinnar, sem voru tilbúnar fyrir rúmum tveimur árum. Þetta segir Skarphéðinn Berg Steinarsson ferðamálastjóri í samtali við Morgunblaðið.

Vinnuhópur á vegum Þórdísar Kolbrúnar R. Gylfadóttur þáverandi ferðamálaráðherra vann tillögurnar en verkefnið rann út í sandinn eftir að ágreiningur skapaðist um útfærslu þess milli nokkurra landeigenda og stjórnvalda.

Nú hafa stjórnvöld aftur á móti rætt að nýju við þá landeigendur og hefur vinnuhópur aftur hafið störf sem útfærir tillögurnar. Viðvörunarfánar verða settir upp auk blikkljósa sem munu gefa ljósmerki þegar mest brim er í fjörunni. Ekki er ljóst hvort til stendur að nýta lokunarheimildir í lögum og loka fjörunni þegar hún telst hættuleg.

Fjölmargir ferðamenn voru í Reynisfjöru í gær, þegar fréttaritari blaðsins kom þar við, og nýttu þeir sér gott veður til að skoða sig um eins og sjá má. Lítil alda var og lágsjávað.

Tengdar fréttir

Ferðamenn á Íslandi

TikTok: Lundinn vakti lukku hjá Kristinu og Kyle

• Hótel Varmaland hlýtur gæða- og umhverfisvottun
• Færri Íslendingar fara út í ár
• Euro News mælir með „öðruvísi“ áramótum á Íslandi
• Fara út kokhraustir en snúa svo við

» Fleiri tengdar fréttir

Banaslys í Reynisfjöru 10. júní

Vill „IKEA-leiðina“ í Reynisfjöru

• Bið á uppsetningu viðvörunarkerfis
• Litlu mátti muna í öldugangi í Reynisfjöru
• Ljúka eigi uppsetningu viðvörunarkerfis
• Góð mæting á fund landeigenda við Reynisfjöru

» Fleiri tengdar fréttir