Aukning á veggjalúsum og rottugangur er ekki áberandi vandamál í ferðaþjónustu hér á landi að sögn Jóhannesar Þórs Skúlasonar, framkvæmdastjóra Samtaka ferðaþjónustunnar.

Steinar Smári Guðbergsson, meindýraeyðir á höfuðborgasvæðinu, greindi frá því fyrr í vikunni að fjölgun útkalla vegna lúsmý má að öllum líkindum tengja við aukningu ferðamanna. 

Frétt af mbl.is

Veggjalýs og rottugangur með fjölgun ferðamanna

Ýmsar áskoranir sem fylgja auknum ferðastraumi

„Það verður auðvitað alltaf aukning á þessu bæði þegar að Íslendingar fara til útlanda og þegar hingað koma erlendir ferðamenn, svona kvikindi geta laumað sér í töskurnar hjá fólki," segir Jóhannes og ítrekar það að starfsfólk ferðaþjónustunnar hafi engar sérstakar áhyggjur yfir áhrif þess á ferðaþjónustu. 

Jóhannes Þór Skúlason, framkvæmdastjóri Samtaka ferðaþjónustunnar. mbl.is/Kristinn Magnússon

Aðspurður segir Jóhannes eftirspurn eftir þjónustu í ferðaþjónustu hafa aukist mun hraðar en við hafi verið búist. 

„Þetta er auðvitað jákvæð þróun en hefur í för með sér einhver vandamál á framboðshliðinni, það vantar líka töluvert mikið af starfsfólki á Íslandi eins og víða annars staðar, og ýmsar áskoranir sem þarf að takast á við.“

Tengdar fréttir

Lúsmý

Ekki vör við lúsmý og hafa ekki miklar áhyggjur

• Lúsmý staðfest á Austurlandi
• Lúsmýbitum fjölgaði verulega
• Smeyk við að ferðast eftir að hafa verið bitin
• Margir bitnir síðustu daga

» Fleiri tengdar fréttir

• Blogga um frétt